Um Tæknisetur

Tæknisetur rekur sögu sína aftur á miðja síðustu öld, til atvinnudeildar Háskóla Íslands. Hluti hennar varð að sjálfstæðri stofnun, Rannsóknastofnun iðnaðarins árið 1965 og flutti árið 1971 í nýtt húsnæði í Keldnaholti þar sem starfsemin er enn.

Árið 1978 var Rannsóknastofnun iðnaðarins sameinuð Iðnþróunarstofnun og Iðnaðarmálastofnun í Iðntæknistofnun. Frekari sameiningar urðu svo árið 2007 þegar Iðntæknistofnun var sameinuð Rannsóknastofnun byggingariðnaðarins sem einnig rakti sögu sína til atvinnudeildar Háskólans. Úr varð Nýsköpunarmiðstöð Íslands. Hún var lögð niður árið 2021 og Tæknisetur stofnað. Tæknisetur tók yfir starfsemi tæknideildu Nýsköpunarmiðstöðvar og allt húsnæði hennar á Keldnaholti.

Á Tæknisetri starfar nú fjöldi sérfræðinga á breiðu sviði, en Tæknisetur þjónustar sprotafyrirtæki, framkvæmir prófanir á sviði efnistækni, aðstoðar við frumgerðarsmíði ásamt því að sinna ýmsum rannsóknum.

Tæknisetur er staðsett í tveimur húsum, í Árleyni 2 og Árleyni 8 á Keldnaholti og eru nú um 40 sprotafyrirtæki á svæðinu.